23 апреля 2015, 15:59

Былтыр 5 кабаттан кулап, омурткасы жана жамбаш сөөктөрү сынган кызга көмөк көрсөтүлдү

Бир нече күн мурда электрондук ЖМКлардын биринде бут оорудан жабыр тарткан Асыл Кожомкулова тууралуу маалымат жарыяланган.

ЖМКдагы жарыяланган макалага жооп кайтаруу иретинде Кыргыз Республикасынын вице-премьер-министри Дамира Ниязалиева Кыргыз Республикасынын Саламаттык сактоо министрлигине Асыл Кожомкулованы дарылануусуна көмөк көрсөтүү тапшырмасын берди.

Белгилүү болгондой, 2014-жылы А.Кожомкулова көп кабаттуу имараттын 5-кабатынан кулап, омурткасы жана жамбаш сөөктөрү сынган. Андан соң бир нече ирет Бишкектеги травмотология жана ортопедия илимий-изилдөө борборуна дарыланууга бир нече ирет жөнөтүлгөн. Учурда оорулуу бадиктин жардамы менен басып, өз алдынча унаа айдоого жөндөмдүү.

Учурда анын дартын аныктоо жана дарылоо тактикасын тандап алуу максатында А.Кожомкулова кайрадан Бишкектеги травмотология жана ортопедия илимий-изилдөө борборуна чакырылган.

Аталган борбор жетекчилигине А.Кожомкулованы дарылоо жаатында көп тармактуу көмөк көрсөтүү зарылдыгы тууралуу тийиштүү көрсөтмөлөр берилген.

Nursuluu
Дискуссия еще не началась.
Вы можете оставить первый комментарий.

Информация

Комментировать статьи на сайте возможно только в течении 360 дней со дня публикации.

KABARLAR.ORG 2020

Нашли ошибку?
Выделите текст и нажмите Ctrl+Enter