22 января 2019, 10:39

Жанат Бейшеновдун транспорт министрлигине талапкерлиги парламент комитетинде жактырылды

 

 

Жогорку Кеңештин Транспорт, коммуникация, архитектура жана курулуш боюнча комитети транспорт жана жол министри кызматына Жанат Бейшеновдун талапкерлигин жактырды. Бул тууралуу маалымат аталган комитеттен алынды.

Жанат Бейшеновдун талапкерлигин өкмөт башчы Мухаммедкалый Абылгазиев көрсөткөн. 49 жаштагы Бейшенов 2017-жылдан бери Евразия экономикалык комиссиясынын темир жол транспорт бөлүмүн жетектеп келген.

Президент Сооронбай Жээнбеков 2018-жылдын 14-декабрында өткөн Коопсуздук кеңешинин жыйынында мурдагы министр Жамшитбек Калиловду "ири өлчөмдө пара алган” деген шек менен кармалган орун басарына байланыштуу сынга алган. Калилов 15-декабрда өз каалоосу менен иштен кеткен.

Дискуссия еще не началась.
Вы можете оставить первый комментарий.

Информация

Комментировать статьи на сайте возможно только в течении 360 дней со дня публикации.

KABARLAR.ORG 2021