jump to
11 февраля 2019, 12:46

Финансы министри Бактыгүл Жээнбаева: Мен жаңы эле кызматка келсем "кет" деп жатасыңар

 

Финансы министри Бактыгүл Жээнбаева: Мен жаңы эле кызматка келсем "кет" деп жатасыңар

 

Бүгүн, 11-февралда Жогорку Кеңештин жыйынында депутат Мурадыл Мадеминов "өкмөттүн бюджетти толтурууга акылы жетпесе кетиши керек" деген пикирин билдирди.

 

"Өкмөттүн бюджетти толтурууга акылы жетпесе, мындай өкмөттүн кереги жок. Алар кызматтан кетип, жеке менчик тармакта иштесе туура болот. Бюджетти толтура албай жатабыз деп бул мыйзам долбооруна каршы чыкканыңар туура эмес", - деди депутат.

 

Анда финансы министри  Бактыгүл Жээнбаева: "Мен жаңы эле кызматка келсем "кет" деп жатасыңар. Бул мыйзам долбоору кабыл алынса бюджетке канча каражат түшпөй кала турганын сурадыңар, мен жооп бердим. Минтип айтканыңар туура эмес да", - деди.

 

Депутат Мадеминов бул сөз Бактыгүл Жээнбаевага тиешелүү эмес экендигин айтты.

 

Эскерте кетсек, бүгүн Жогорку Кеңештин комитети жаныбарлардын айрым түрлөрүнө аңчылык кылууга тыюу салуу боюнча мыйзам долбоорун карап жатат.

 

 



Отправить новости WhatsApp News
Banner
Дискуссия еще не началась.
Вы можете оставить первый комментарий.

Материалы за неделю

KABARLAR.ORG 2018

Нашли ошибку?
Выделите текст и нажмите Ctrl+Enter