jump to http://ayugrand.kg/stores/27 8/
16 мая 2019, 10:04

Рысалиев: Саясатка аралаштырбаганда, Батукаевди кимдер чыгарууга кызыкдар болгону ачыкка чыкмак

 

Рысалиев: Саясатка аралаштырбаганда, Батукаевди кимдер чыгарууга кызыкдар болгону ачыкка чыкмак

 

 

Саясатка аралаштырбай, күч структураларына бергенде эбак эле кимдердин тиешеси бар экени айтылып, Батукаевди кимдер чыгарууга кызыкдар болгону ачыкка чыгып, чекит коюлмак. Мындай пикирин Жогорку Кеңештин депутаты Зарылбек Рысалиев "Майдан" гезитине берген маегинде билдирген.

 

Саясатчы бул иш аягына чыгуусуна өзү кошо аралашып жатканын кошумчалаган.

 

“Бул маселени “аягына чыксын, адилеттүүлүк орун алсын” дегендердин катарында болгонум үчүн мен өзүм ушул маселени көтөрүп жатам. Ким акчасын алган, ким учурган, ким кызыл килем төшөгөн, ким аэропорттон тосуп алганын эл билиши керек. Болбосо элдин баары имиш-имиштерге ишенип, чыныгы иш кандай болгонун көпчүлүк биле бербейт. Ошон үчүн чындыкка караандабаган түрдүү варианттар эл арасында жайылып жүрөт. Эл чынында иш кандай болгонун, ага кимдер көмөктөшкөнүн билиши кажет. Бул ишти саясатка байланыштырып олтурушуп, 6 жылдан бери бүтпөй жатат. Саясатка аралаштырбай, күч структураларына бергенде эбак эле кимдердин тиешеси бар экени айтылып, Батукаевди кимдер чыгарууга кызыкдар болгону ачыкка чыгып, чекит коюлмак. Аны каалабагандар бул ишти өз пайдасына пайдаланыш үчүн аныгын билип-билбей сүйлөй бергени үчүн түрдүү имиштерге жол ачылып кетти. Мен ушул кезге чейин чындыктын баарын айтып келдим. Ошон үчүн “бул маселеге чекит коёлу, аныгына чыгалы” деп жатам. Ыгы келген жерден бул ишке тиешелүү адамдардын атын да атагам. Кимдер камалыш керек экенин да ачык айткам. Бул маселе боюнча менден башка бирөө да антип айткан эмес. Чындык төө бастыга алынбасын дегеним үчүн атым аралашса да, бул иштин аягына чыгышы керек деген позицияда турам”,-деп билдирген эл өкүлү.

Banner
Дискуссия еще не началась.
Вы можете оставить первый комментарий.

Материалы за неделю

KABARLAR.ORG 2018

Нашли ошибку?
Выделите текст и нажмите Ctrl+Enter