2 ноября 2019, 15:01

ЖАМК: абактагы жаңжал тууралуу видео Кыргызстанда тартылган эмес

ЖАМК: абактагы жаңжал тууралуу видео Кыргызстанда тартылган эмес

 

"Түрмө кызматкерин абакта отургандар жапырт сабап салганы" тууралуу Интернетте тараган видео Кыргызстанда тартылган эмес. Бул тууралуу Жаза аткаруу мамлекеттик кызматы билдирди.

 

Адистер тасманы карап чыкканын, Кыргызстандагы түрмөлөрдүн имаратына окшобой турганы жана андай окуя жөнүндө эч кандай маалымат жоктугун аталган мекеменин басма сөз кызматы кабарлады.

 

2-ноябрда "Фейсбуктун" айрым колдонуучулары үч мүнөттөн ашыгыраак видео жүктөп, "Кыргызстандагы абактардын биринде жапырт мушташ болуп, түрмө кызматкери сабалганын" жазышкан.

 

Кыргызстанда жети тергөө изолятору, 11 жабык мекеме, 13 жатак абак жана район-шаарларда элүүдөн ашуун жаза аткаруу инспекциялары бар. Алардын баарын кошкондо, расмий эсепте 15 миңдей адам камакта отурат.

Отправить новости WhatsApp News
Banner
Дискуссия еще не началась.
Вы можете оставить первый комментарий.

Материалы за неделю

KABARLAR.ORG 2018

Нашли ошибку?
Выделите текст и нажмите Ctrl+Enter