23 декабря 2019, 09:49

Түнкүсүн -30 градуска чейин төмөн. 24-26-декабрда өлкөдө абанын температурасы кескин төмөндөйт

Өлкөдө абанын температурасы кескин төмөндөйт. Маалыматты ӨКМнын басма сөз кызматынан кабарлашты.

 

22-23-декабрда Кыргыз өлкөсүнүн аймагында туруксуз аба ырайы орун алат. Чүй, Талас, Ош, Жалал-Абад облустарынын тоо этектеринде жана тоолуу райондорунда, Ысык-Көл облусунун чыгышында жаан-чачын катуу жаашы күтүлөт. Жолдор тайгак болуп, кар күрткүсү пайда болот. Батыштан соккон шамалдын ылдамдыгы айрым аймактарда секундасына 17-22 метрге жетиши күтүлөт.

 

24-26-декабрда абанын температурасы кескин төмөндөйт. Чүй, Талас өрөөндөрүндө түнкүсүн -15…-20°, күндүз -3…-8°, Чүй облусунун түндүгүндө -7…-12° суук болот. Ош, Жалал-Абад, Баткен облустарынын өрөөндөрүндө түнкүсүн -4…-9° суук, күндүз 0…+5° жылуу, тоо этектеринде түнкүсүн -7…-12°, күндүз -3 …+2°, Ысык-Көл облусунда түнкүсүн -6…-11°, күндүз -3 сууктан…+2°ка жетет.

 

Нарын облусунун дыйканчылык аймактарында түнкүсүн -20…-25°, күндүз -5…-10°, Ат-Башы районунда түнкүсүн -24…-29°, күндүз -12…-17°, тоолуу райондордо түнкүсүн -15…-20°, күндүз -5…-10°, бийик тоолуу аймактарда түнкүсүн -25…-30°, күндүз -10…-15° суук болушу күтүлөт.

 

Мындай туруксуз аба ырайы энергетика жана коммуналдык кызматтардын ишин жана жайлоолордо малды кармоону кыйындатат. Катуу жаан-чачын жааган убакта автожолдордо көрүү аралыгы төмөндөп, автоунаалардын кыймылдоосун кыйындатат.

Түнкүсүн -30 градуска чейин төмөн. 24-26-декабрда өлкөдө абанын температурасы кескин төмөндөйт

 

21-декабрдан 23-декабрга чейин жаап өткөн жана күтүлүп жаткан жаан-чачынга байланыштуу Кыргыз республикасынын тоолуу райондорунда, Бишкек-Ош автоунаа жолунун 121-138 чакырымдарында (Төө-Ашуу ашуусу), 198-255 чакырымдарында (Ала-Бел ашуусу, Чычкан капчыгайы), Мырза-Аке-Кара-Кулжа-Алайкуу автоунаа жолунун 65-115 чакырымында кар көчкү түшүүcү күтүлөт. Жолдор тайгак болуп муз тоңот. Унаалардын ортосундагы чектелген 500 метр аралык сакталышы керек.



Отправить новости WhatsApp News
maksat
Дискуссия еще не началась.
Вы можете оставить первый комментарий.

Материалы за неделю

KABARLAR.ORG 2018

Нашли ошибку?
Выделите текст и нажмите Ctrl+Enter