11 августа 2015, 18:26

КРнын Казакстандагы элчилигинде дипломаттар кыргызстандыктар менен парламенттик шайлоону талкуулады

Астанада Кыргыз Республикасынын Казакстан Республикасындагы элчилигинде Казакстандын борбор калаасында жашаган мекендештердин катышуусунда жыйналыш болду. Бул тууралуу КРнын тышкы иштер министрлиги билдирди.

Белгиленгендей, элчиликтин өкүлү өз сөзүндө чогулгандарга КРнын Президенти Алмазбек Атамбаевдин буйругу менен КРнын Жогорку Кеңешинин кезектеги шайлоосу 2015-жылдын 4-октябрына белгиленгени тууралуу айтып берди.

Элчиликтин кызматкери КРнын мыйзамына ылайык, КР ЖКнын шайлоолору Кыргызстандын аймагында жана республиканын дипломатиялык жана консулдуктары бар чет өлкөлөрдө өткөрүлө турганы жөнүндө маалымдады.

Ошондой эле, дипломат кыргызстандыктарды шайлоочу катары алдыдагы шайлоолорго, ага даярдыктар жана өткөрүүгө жигердүү катышууга чакырып, шайлоо өткөрүүнүн негизги процедуралары жана шайлоочулардын эсебин түзүү тууралуу билдирди.

Мындан тышкары, дипломат шайлоонун ачык өтүшү үчүн биринчи жолу биометрикалык маалымат колдонулаарын баса белгиледи.

Дискуссия еще не началась.
Вы можете оставить первый комментарий.

Информация

Комментировать статьи на сайте возможно только в течении 360 дней со дня публикации.

KABARLAR.ORG 2020